Hallo, liabe Landsleit!
Obwoi da österreichische Nationalfeiatog erscht am 26.
Oktober wor, ham die Botschaft und die ganzn Österreicher scho am 25. g’feiat.
In Bangkok, ganz vurnehm, im Oriental Hotel. Olle warns do: da Botschofta
und sei Familie, olle de mit eahm zammaorbeitn auf da Botschoft und a vüi
andere Botschofta aus olle Herren Lända und natüli worn a ganz hohe Herren
von da Thai Regierung do. Na und dann mia Österreicher selba. Oiso, da
ganze Ballsoi war g’steckt voi. Schee wors! Zum Essen hots was gebn und
zum trink’n a. Und so vü Schmankerl warn dabei aus Österreich, do is am
ganz warm ums Herz worn. Und g’schmeckt hots die Ausländer a, hob i gsegn.
De ham ganz sche reiglangt beim österreichischen Gulasch! Is jo eh ka Wunda,
oinmol müassens ja a was guats zum Essen kriagn!
Aufmerksam
lauschen die hohen Herrschaften der Rede vom Botschafter
Der
Botschafter (dritter von links) im Kreise von Kollegen und Regierungsbeamten
Der
Botschafter bei seiner Ansprache und gleichzeitigen Abschiedsrede
Botschafter
Znidaric begrüt General Saiyud Kerdphol
Hier
wird dem Botschafter sein Abschiedsgeschenk von ..........überreicht
Das
.........bei spielen der österreichischen Nationalhymne
Da Botschofta, da Dr. Georg Znidaric, hot a sehr schene
Rede ghaltn. In Englisch ollerdings, wei sunst datatn die andern eahm jo net
vasteh. Jo, und wias dann die österreichische Hymne gspüt ham, da hot so
mancha feichte Augn kriagt. I a.
Feichte Augn hot dann a unsa Botschofta ghabt, wia da
........., im Naman von olle Botschaftakollegen aus Bangkok a Rede ghaltn
hot und sie dabei vo eahm vaobschiet hot. Wei, unsa Botschofta geht jetzt
wieda zruck noch Wien. Oba, i glaub, so recht is eahm des net, wei er wor jo
scho gern bei uns do in Thailand. A Gschenk hot a kriagt vo seine
Boschofta-Kollegn, oba des hot er net aufgmocht, oiso was i a net wos drin
war.
Olls Guate Herr Botschofta, vü Glick und hoffentlich
segn ma uns boid wida!
Wos soll i no sogn? Schauts Eich liaba die Büdln an!